MINISTER ktr press note

గ్రామపంచాయితీల సమూల మార్పులకి సరికొత్త చట్టం యోచన- పంచాయితీరాజ్ శాఖ మంత్రి కె.తారక రామా రావు

Ø ముఖ్యమంత్రితో చర్చించిన తర్వతే మరింత ముందుకు

Ø గ్రామాల్లోని సూమారు 29 మంది ప్రభుత్వ అదికారులు, ఉద్యోగులతో గ్రామ పంచాయితీల సమన్వయం

Ø చట్టం రూపకల్పనకి కేరళ, కర్నాటకా పంచాయితీ అద్యయనం

Ø ప్రభుత్వ నిధులు- ప్రజల పన్నులతో గ్రామ పంచాయితీల అభివృధ్ది

Ø ప్రజల సొమ్ము ప్రజలకే అనే భరోసా కల్పించే ప్రయత్నం

Ø గ్రామాభివృధ్దిలో మహిళా సంఘాలకి ప్రాధాన్యత

Ø పంచాయీతీ సెక్రటరీ- సర్పంచ్ లకి ప్రత్యేకంగా ట్రిబ్యూనల్స్, అంబూడ్స్ మన్ ఏర్పాటు పరిశీలన

Ø అంతిమంగా క్షేత్ర స్ధాయినుంచి వచ్చే సలహాలు, సూచనల మేరకి నూతన విధాన రూపకల్పన

 

ప్రభుత్వ విధివిధానాలు క్షేత్ర స్ధాయికి అనుకూలంగా రూపోందాలనే అలోచనకి తాము కట్టుబడి ఉన్నామని పంచాయితీరాజ్ శాఖ మంత్రి కె.తారక రామా రావు తెలిపారు. ముఖ్యమంత్రి కె. చంద్రశేఖర్ రావు అలోచనల మేరకు గ్రామ పంచాయితీల్లో మార్పూలు తీసుకువచ్చేందుకు కొత్త చట్టం తీసుకువచ్చే యోచనచేస్తున్నట్లు అయన తెలిపారు. ప్రజలనుంచే ప్రభుత్వం విధానలు రూపొందాలనే స్పూర్తితో ముఖ్యమంత్రి చేపట్టిన మన ఉరూ మన ప్రణాళిక కార్యక్రమం నిర్వహించామన్నారు.  గ్రామ పంచాయితీల బలోపేతానికి, అసలైన అధికార వీకేంద్రీకరణకి అర్ధం వచ్చేలా , నిజమైన ప్రజాసామ్యస్పూర్తికి అద్దం పట్టేలా చట్టం తీసుకువచ్చే యోచన చేస్తున్నామని మంత్రి తెలిపారు. ముఖ్యమంత్రి గారితో పూర్తి స్ధాయిలో చర్చించిన తర్వతానే దీనిపై ముందుకు వెళతామని కె.తారక రామారావు తెలిపారు.

 

       రాష్ర్ట స్ధాయిలో ఉన్న ప్రభుత్వం మాదిరి గ్రామల్లోనూ గ్రామ ప్రభుత్వాల ఏర్పడాలన్నదే తమ అలోచనల అంతిమ లక్ష్యంమన్నారు. గ్రామ ప్రభుత్వాలంటే గ్రామాల్లో ప్రస్తుతం ఉన్న సూమారు 29 ప్రభుత్వ శాఖల అధికారులు, సిబ్బందిని గ్రామ పంచాయితీ పరిధిలోకి తీసుకువచ్చేలా సమన్వయం చేయలనుకుంటున్నట్లు తెలిపారు. వీరందరు కూడా సర్పంచ్ నాయకత్వంలో నడిచే పంచాయితీలకి జవాబుదారీగా పని చేసేలా చూడాలనుకుంటున్నట్లు మంత్రి తెలిపారు.  తాము రూపోందించాలనుకుంటున్న ఈ నూతన చట్టం కోసం  కేరళ, కర్నాటక పంచాయితీ  పనితీరుని అద్యయనం చేస్తున్నామన్నారు. అక్కడి విధానలు  పూర్తిగా తెలంగాణలో అనుసరించలేకున్నా...పలు అంశాలను మాత్రం స్వీకరించవచ్చని అయన తెలిపారు.

గ్రామ ప్రభుత్వాల ఏర్పాటు ఏంత ముఖ్యమో, గ్రామ పంచాయితీలను స్వయం సమృధ్దిగా మార్చడం అంతే ముఖ్యమని మంత్రి తెలిపారు. ఇందుకోసం అన్ని రంగాల్లో గ్రామాల అభివృధ్ది చేయడం కోసం ప్రభుత్వ నిధులు, ప్రజల పన్నుల వినియోగంపై పారదర్శక విధానాలు రూపకల్పణ చేయాలని యోచిస్తున్నమన్నారు. ఇందులో భాగంగా ప్రభుత్వ నిధులను ప్రభావవంతగా ఉపయోగించుకోవడంతో పాటు గ్రామ పంచాలయితీలకి ప్రజలు పన్నులు కట్టేందుకు ముందుకు వచ్చేలా వారి చైతన్యవంతం చేయాల్సిన అవసరముందన్నారు. పంచాయితీల్లో పన్నుల వసూలుని పెంచేందుకు ప్రజల్లో నమ్మకం పెంచి ప్రజల సొమ్ము ప్రజలకే చేరుతుందనే భరోసా కల్పిస్తే ఇది సాద్యమౌతుందన్నారు. ఈ మేరకు పన్నులు  కట్టే పౌరులకి రాయితీలు కల్పించడం ప్రజలసోమ్ము ప్రజల కోసమే అంటూ విసృతమైన ప్రచారం కల్పిచడం వంటి కార్యక్రమాలు చేపట్టే యోచన చేస్తున్నట్లు మంత్రి తెలిపారు. గ్రామాల్లో జరిగే పనుల వివరాలు, పన్నులు, నిధుల ద్వార వచ్చే అదాయాన్ని ఏప్పటికప్పుడు ప్రజలకి తెలిసే విధంగా చర్యలు తీసుకుంటామన్నారు.

కొత్త చట్టం రూపోందించే సమయంలో పంచాయితీ సెక్రటరీలు...సర్పంచ్ లతో సమన్వయంతో విధులు నిర్వర్తించేలా చర్యలు తీసుకుంటామన్నారు. వీరికి ఇచ్చే అధికారాలతోపాటు భాద్యతలను గుర్తేరిగేలా చర్యలు తీసుకుంటమన్నారు. ఇక గ్రామ పంచాయితీ కార్యదర్శులు, సర్పంచ్ లకి ప్రత్యేకంగా ట్రైబ్యూనల్స్, అంబూడ్స్ మన్ వంటి ప్రత్యేక ఏర్పటు చేసే అంశాన్ని పరిశీలన చేస్తున్నట్లు తెలిపారు. తెలంగాణలో ప్రస్తుతం ఉన్న 5372 క్లస్టర్లతోపాటు సూమారు 8పైచిలుకు పంచాయితీలున్నాయని, తాండాలను గ్రామ పంచాయితీలుగా మారిస్తై వచ్చే మరో 1200 అదనపు పంచాయితీల్లో సమూల మార్పులు తీసుకువచ్చేలా నూతన చట్టాన్ని రూపకల్పణ చేస్తామని మంత్రి తెలిపారు.

ఇప్పటికే మహిళా స్వయం సహయక సంఘాల పనితీరులో దేశానికే అదర్శంగా నిలిన విషయాన్ని ఏమాత్రం మరిచి పోకుండా, మహిళా సంఘాలకి గ్రామాభివృధ్దిలో ప్రాధాన్యత ఇచ్చేలా చూస్తామన్నారు. ఇందుకోసం మహిళల సేవలను ఏవిధంగా ఉపయోగించుకుంటే బాగుంటుందో పరిశీలన చేస్తామన్నారు. తాము ఇప్పటికే గ్రామల్లో ఏర్పటు చేయబోయే ఈ పంచాయితీలను, వాటర్ గ్రిడ్ విలేజ్ నెట్ వర్క్ ని మహిళలకే అప్పచేబుతూ విధాన పరమైన నిర్ణయం తీసుకున్నామని గుర్తు చేశారు.

అయితే తాము కోత్త చట్టం రూపకల్పన  యోచన ప్రాథమిక దశలోనే ఉందని మెత్తం క్షేత్రస్ధాయి నుంచి వచ్చే సలహాలు, సూచలనల మేరకి విధానం రూపకల్పనకి ప్రయత్నం చేస్తామన్నారు. తాము రూపోందించ బోయే చట్టం ఖఛ్చితంగా దేశానికే పంచాయితీ వ్యవస్ధలో అదర్శంగా  ఉండేలా ప్రయత్నం చేస్తామని మంత్రి కె.తారక రామా రావు తెలిపారు.